قالت وش احلى مايقول المحبين،،، ساعة لقاهم بعد غيبه طويله
قلت اصبري قالت انا اقولك زين،،، قلت اتمنى ماتكوني بخيله،
قالت عسى موتي على يديك هالحين،،، ان كان قيلت بين خل وخليله
قلت احبكيها صح ياقرة العين،،، قلبي يبيها صدق تشفي غليله
قامت تفكر قلت يالله وبعدين،،، كن اصبعك طول بلف الجديله،،،
قالت كليب و قلت خير شتقولين،،، قالت رجع وشهو شعور الجليله
قلت اليمامه ماهي اقوى تحسين،،، من يوم مات جبير صارت هبيله
وش بك سكتي ليه قمتي تلفين،،، قالت اخاف ان قلت تطلع ثقيله
اخاف اقول وكلمتي تجرح الدين،،، واشيل ذنبن مااقدر اني اشيله
استغفر الله وين وصلتني وين،،، وانت تعرفني والأصيله اصيله
وضمت يديني وقلت توك تحنين،،، قالت يدينك بس هذي قليله
يوم احضنتني دمعت قلت تبكين،،، قالت اظن الدمع اصدق وسيله،
ردت وقالت وشعذاب المحبين،،، قلت الغياب وفي عيونك دليله،،،
مع حبي
موضوع: وش احلى مايقول المحبين،،، ساعة لقاهم بعد غيبه طويله 
الخميس أغسطس 28, 2008 10:24 am
