مقاطع شعريه ...

في غيابك.. ما لخلق الله حضور
وفي حضورك.. ما لهم بالبال طاري

من متى و الغصن يختار الطيور؟
من متى و البال يختار الطواري؟

في غياب الشمس وش ذنب الزهور؟
و المطر لا شح وش ذنب الصحاري؟

****
قال لو حبيت غيرك وش تقول .؟
قلت أحاول قد ماأقدر أمنعك ..!!

قال وان عيت تطاوعك الحلول.؟
قلت أحبه يابعد عمري معك ..!!

****
لاعاد ترجاني ولاني براجيك ..

والكل منا جعل دربه سلامه

لاعاد اسولف بك ولاجيب طاريك ..

وانا اشهد ان بعض المعرفه ندامه

****
ماقلت لك هالوقت قاسي ودوار ..
تشين لو زانت ليالي دهرها..
هذا انت غبت وفرقت بينا الاقدار ..
جت منك والاحلام كلن خسرها ..
انت السبب يامرخص كل ما صار ..
احساسك الميت هو الي دمرها..
****
جا يشوف الحال كيفه بعد ماهزّه حنينه ..!

وقبل يسألني سألته .. كيف حالك يالحبيب ..

قال أنا كني غريب مضيع دروب المدينة ..

قلت أنا كني مدينة تنتظر رجعة غريب!!
****
أبسألك ... بالله إنتي .. تحبين ..!
.......... تتألمي .. يضيق صدرك .. ويلتاع ؟!
[وإن غاب عن عينك حبيبٍ تودين]
........... مثل البشر عادي تحسين بأوجاع ؟!
****

علامك
...كل ما قربت لك خطوه تروح أوطان ..

علامك
...كل ما لينت لك راسي تصير أقسى ..

علامك
.. كل ما غنيت لك يا طائر الاشجان ..

.. تطير وما توقع لك على غصن ولا ترسى ..

****
لا تسألي..‏
عندي جوابٌ واحدٌ
لو كانَ قلبكِ..
مثل قلبي مُغرما
لكفاكِ أنّي هاهنا..‏

لا تسألي من أنتَ أوْ
من أينَ جئتَ ‏
ولا لِمَ
أو أينَ أمضي في غدي
يكفيكِ أنّي ..
هاهنا

لا تغضبي
أنا لستُ أقصدُ صدّكِ
إنّما
إن جئتِ أنسى..منْ أنا
إن جئتِ..
يجتمعُ الزمانُ بلحظةٍ
فغدي وأمسي لمحةٌ
كالبرقِ في ليلِ السما

لاتسألي
إن جئتِ..‏
تنسيني الكلامَ جميعهُ
فصيحهُ..‏
وأعجَمهْ
لا تسألي..
فأنا حديثي نظرةٌ
ترنو إليكِ
لتستقي عذب اللّما
لا تسألي..‏
عندي جوابٌ واحدٌ
لو كانَ قلبكِ..
مثل قلبي مُغرما
لكفاكِ أنّي هاهنا
****
ماهو جفا ياصاحبي يوم ماجيك..

مالي بغيرك يابعد كل من لي..

لا والذي سواك محد يساويك..

غلاك ماخلى لغيرك محلي..
****

بلغوه .. اني تعبت من التمني

ولا لقيت أريح من احلام الأماني ..!

آه منّه / وآه منكم / وآه مني

من نبش فيكم ورى الصمت وحكاني ..؟

إيه اموت بدونه .. وأحيا كأني ..

عايش بدوني ..!
****
ماجور ياللي من فراقك تعلمّت
ان الزمن يومين طيّب .. وخيّب

فاجئتني بمفارقك ما تولمّت
كذا بدون اسباب عني تغيّب

اضحك واسولف وان لحقني سهر نمت
لكن قسم بالله .. ماني بطيّب ..!!
****
إن قلت زانت خالف الوقت ظني ..

وإن قلت هانت عاجلتني بلاوي ..

أجامل أيامي ولا جاملني ..

هامت بي الدنيا هيام الخلاوي ..

الوقت جاير والليالي اسهرني ..

والحزن ما بين الضلوع متلاوي

أونّ وكلنّ يحسبني اغني ..

عليل وكلنّ يحسبني مداوي ..
****
ياصديقي هاك صدري وإن لقيت
.. به مكانن يحمل الطعنه إطعنه..

من عرفتك من طعونك ماشكيت
...سهمك الطايش ارده واحضنه..

كل خوفي من طعونن ماتميت
..بس تحفر في جروحي المزمنه ..

مشكوووووووووووووووورة